লগৰীয়াৰ মাজত হোৱা বাত–বিতণ্ডাৰ পিছত হত্যাৰ সন্দেহ আৰক্ষীৰ৷

বঙাইগাঁৱত হত্যাকাণ্ড ৷ জিলাখনৰ কণ্টেইনমেণ্ট জ’নত নিশা সংঘটিত হ’ল নৃশংস হত্যাকাণ্ড ৷ চহৰখনৰ মাজমজিয়াত থকা হোটেল কনিষ্কৰ ওচৰত  হত্যা কৰি পেলাই থৈ গ’ল এজন যুৱকক৷ নিহত যুৱকজন কৰ্নব জ্যোতি মেধি৷ চোকা অস্ত্ৰৰে হত্যা কৰি পথৰ দাঁতিত পেলাই থৈ গ’ল যুৱকজনক৷ ঘটনা সংঘটিত কৰি খোজ কাঢ়ি পলায়ন হত্যাকাৰীৰ৷

লগৰীয়াৰ মাজত হোৱা বাত–বিতণ্ডাৰ পিছত হত্যাৰ সন্দেহ আৰক্ষীৰ৷ এই হত্যাকাণ্ডৰ পিছতে ঘটনাস্থলীত উপস্থিত হয় মন্ত্ৰী ফণীভূষণ চৌধুৰী , আৰক্ষী অধীক্ষক সিংহৰাম মিলি আৰু ডিআইজি ৰৌনাক আলী হাজৰিকা৷ আৰক্ষী অধীক্ষক সিংহৰাম মিলিয়ে কয় যে যুৱকজন নিচাসক্ত হোৱাৰ লগতে লগৰীয়াৰ মাজত হোৱা কাজিয়াৰ পৰিণতিত হত্যাকাণ্ড সংঘটিত হোৱা বুলি সন্দেহ কৰা হৈছে৷ বঙাইগাঁও থানাৰ পৰা আধা কিলোমিটাৰতকৈ কম দূৰত্বত সংঘটিত এই হত্যাকাণ্ডক লৈ তীব্ৰ চাঞ্চল্যৰ সৃষ্টি হৈছে৷

About the author

+ posts